அமைதி கொள் ஆண்மகனே
பல நேரங்களில் பெண்டிருக்கு இணையாய் அழுத்ததிலிருப்பவன் நீ!
அழுத்தம் வெவ்வேறானாலும், ஆபத்து ஒன்று தான்.
உன் சூப்பர் மேன் இமேஐ் கூட
உன் சுயத்தை மறக்கத்தான் , என்பதறிவாயோ ?
குடும்ப பாரம் தாளாமல் அழும் பெண்கள் ஏராளம் !
அழது ஓய்ந்த பின்னும் மீண்டும் சுமக்க புறப்படும் அத்துணிவு தாராளம் !!
அந்த கண்ணீரும் உனக்கு தடையோ?
அத்தனையும் தேக்கி வைக்கும் , உன் உள்ள மடையோ ?
ஆஸ்பத்திரி படுக்கையில் கூட அமைதியாய் அயர முடியாத நிலை!
பண ஏற்பாடு முதல் , பாதியில் விட்ட பிராஜக்ட் வரை
கவலையோ கவலை !!
அம்மையும் அப்பனும் அன்பு கொட்டவும் , ஆசீர்வதிக்கவுமே முடியும் , ஆயுளை நீட்டிக்க முடியாது !
வாழ்வை பங்கு் போட வந்தவளாலும் , வலியை பங்கு போட முடியாது !!
நீ உயிர் தந்த மகனோ , மகளோ ! அவ்வுயிரையும் உனக்கு திருப்பி தர முடியாது !!
உனக்கு நீயே என்றுணர் !!!
நான் பார்த்து கொள்கிறேன் , என மார் தட்டவும் வேண்டாம் ,
எனை பார்த்துக்கொள் என்று மண்டியிடவும் வேண்டாம் !
பெற்றவரோ , மற்றவரோ , வீட்டுக்காரியோ, ரோட்டுக்காரியோ , உன்னை முன்னிறுத்து !
இது சுயநலமல்ல !! அவரவருக்கு இருக்க வேண்டிய
மன நலம் !!!
வேரை நன்கு ஊன்றி , சத்துக்களை உறிஞ்சும் மரமே அதிக பயன் தரும் ! அது சுயநலம் என்று வேரை சுருக்கினால் ? பட்டுப்போனால் ?
உணர்ந்து கொள் . ஊன் காக்க சத்துக்களை உறிஞ்சு . களை எடு. உள்ளம் பேண். உன்னை உயர்த்து !
பின் நீ வீட்டுக்கென்ன நாட்டுக்கே தலைவன் !!!
